عبت أشكي تعبت أبكي تعبت أحكي مآسي الروح
قتلني الوقت بصروفه ذبحني وجفف أنهاري
أخبي علتي واسكت وانا في داخلي مذبوح
أجامل وأرسم الضحكه واناقلبي على ناري
أحاول والله يعلم بي أداري دمعتي لاأبوح
أداري الجرح واتجاهل عن اللي ينشد أخباري
وأقول بخير لكني جريح وفي حشاي جروح
صداها لودفنته يوم يبين سنين بانظاري
صرخت بحسرتي يكفي صرخت بصوتي المبحوح
ألاياوقت وش ذنبي؟
عشان ألفيك باعذاري
تبعثرحلمي قدامي
وعديت بدنيتي منزوع وقفت ولاقدرت اجمع مغير مشتته افكاري أمني النفس وأخدعها
وأقول إن كربتي بتروح
وهي والله مولوده في قدر من أقداري
قتيل والبقاء براسي في دنيا مابها مصلوح
قتيل والقهر قاتل من اللي ياخذ بثاري
وانا ببقى ضحية وقت أعاني والعنا مجروح
دعيت اللي خلق يرحم رجيته ربي الباري
أبي اسعد انا بلحظه قبل نزعه توافي الروح
قبل ماأرحل عن الدنيا وأروح لأخر دياري
انا بحمل صديد الجرح في باقي وقتي المسموح
وإذا وافتني القدره ترى هالبيت
تذكاري
رثائي دمعي الطاهر في صمته مارضي بالنوح
رثتني قسوة الدنيا رثتني حتى أشعاري
وجزت للي ذبح قلبي وعشته بالخفا مشروح
لجل ماأضعف بعين اللي مانشدني كيفها أخباري!!!؟