إذا بتحبني عطيني كلمة سر إيميلك

السلام عليكم ورحمة الله وبركاته

هناك موضوع احب ان نتناقش فيه بكل صراحة ونحاول نشوف مختلف الآراء منكم ،،

وهو عبارة عن تساؤل لكل شخص يدخل أنترنت ويمتلك الإيميلات والحسابات في الإنترنت

ويخص الماسنجــــر وأهميته وخصوصيته بالنسبة لك ،،

والتساؤل هــو : ما هو ردك لــو

جاءك ، جاءتك

الحبيبة ، الحبيب

وقال لك : لـــــو تحبنـــي عطنـــي رقمك الســـــري

يعني عطني الباسوورد الخاص في الماسنجر علشان اتأكد من إخلاصك او خيانتك لي

فمــا هــو ردك ولمــاذا ؟؟؟؟

أرجــو التفاعل والصراحة قدر الإمكان ،،

طبعا بعطي يااااااه

لاني بعرف ما شي خطأ اذا شاف خصوصيات ايميلي
ومجرد ما اقله لأ أكيد بده يشك انو في شي

بالنسبة الي عادي جدا...انا بعطي كلمة السر...ما في اي مشكلة..لاني اصلا الي في الايميل المفروض يكون الطرف الثاني على علم فيه...هات لنشوف انت صاحب الموضوع شو رأيك؟؟؟

أنا ما عندي مشكلة أبدا
بنوب بنوب ....

سااااااااااااااااااااااااااااااابق لا تنسى ترد هاااااااا على الموضوع بدنا نسوف رأيك!!!
مشكور أخ سابق
لك خالص تقديري

وانا ماعندي مشكلة بشرط الطرف التاني يعطي ايميلو

طبعا اذا الطرف التاني عاطني بعطي كلمة السر
مشكور موضوع رائع

أنا بدي أسمع منكن بالأول
من خلال أجوبتكم عبيخطرلي بعض الأسئلة والنقاط أرجو الإجابة عليها

هل يا ترى بمجرد أنو طلب باسوردي معناها أنو شاكك فيني؟؟
طيب أنا مو من حقي يكون عندي بعض الخصوصية؟؟؟
طيب مو في ناس مأمنة فيني وعاطيتني إيميلها ممكن ما بتحب حدا يشوف ايميلها غيري؟؟؟

مجرد بعض الأسئلة أردت أن أثري بها الموضوع...وياريت إذا عندكن شي بتحبوا تضيفوه بكون أفضل

طيب بمجرد إني أقول (إذا الطرف الثاني عاطيني بعطيه)هل هذه تعتبر مصلحة أو أزمة ثقة أم شئ عادي

بالبداية كل الشكر اخ سابق لهذا الطرح ..
نحتاج حقاً لمواضيع للنقاش والتحاور ..
شكرا جزيلا ..

وبالنسبة لطرحك سيدي الكريم.. يتراءى لنا السؤال للوهلة الأولى بأنه بسيط للغاية وكلنا مستعدون - كما الاغلبية هنا- لتنفيذ ما يطلبه هذا الحبيب !

لكن السؤال الحقيقي الذي نخجل من مواجهته لم نجب عليه !

إذا بتحبني عطيني كلمة السر !
ليش المقارنة صارت بين اعظم شي ممكن يربط اي تنين وبين اتفه شي متل كلمة سر !!

يعني بمجرد حصول الطرف الآخر على كلمة السر .. تأكدت المشاعر وتأكد الحب بين الطرفين ؟ ليش يعني كلمة السر مقياس حب !

ليش ما تكون امانتي انا هي كلمة السر واخلاصي وصدقي بتعاملي معو هو كلمة السر .. وبمجرد ما اني انا اجاوبو على الشي يلي هو طالب كلمة السر مشانو يسدئني ! بدون ما اضطر لحتى ابرر كلامي بالبراهين والأدلة !!

بالنهاية اذا اصر راح اعطيه .. بس بكل صراحة .. في اشياء بتنكسر بالنفس مو ممكن تتصلح ولا ممكن تنتسى
واليوم بنبلش بكلمة سر ومع الايام التجاوزات بتكتر

نحن بإيدنا بنحدد حياتناكيف راح تكون
من البداية تفاهم وصدق .. أو من البداية شك وبداية مشاكل .

شكرا جزيلا مجدداً اخي سابق
دام نبض قلمك ،،

ع فكرة أنا بقصد باسورد الايميل الأساسي هاا...(اللي فيو ما هب ودب) مو الايميلات البديلة..اللي كل واحد عندو عشرطعش ايميل......ههههههههههههههههه مو تاكلو بعقلي حلاوة وتقولوا منعطيه .وتعطوه باسورد
ايميل بديل بديل بديل البديل

بدنا كمان حوار حول كل نقطة يثيرها كل عضو..منشان بالأخير نتلوا البيان الختامي

باش مهندسة..... أليس من حق الطرف الأخر أن يطلع على كلمة السر ؟؟؟ليس بالضرورة أن يكون شكاً إنما قد يكون من مبدأسيدنا إبراهيم(أولم تؤمن قال بلى ولكن ليطمئن قلبي) مع أنه كان يتعامل مع الله تبارك وتعالى أراد برهانا ليس شكاُ من إبراهيم (حاشاه) إنما تثبيتاً لما في نفسه من إيمان ..
فاحتمال يكون طلب الشخص المقابل من هذا القبيل......

طبعا هالأسئلة والتي سبق وذكرتها قبل ليس بالضرورة أن تكون معبرة عن قناعاتي الشخصية...لكن هي أسئلة قد تتبادر إلى ذهن البعض..ونحن نريد أن نستفيد من عصارة أفكار وتجارب جميع أعضاء هذا المنتدى الناشئ الجميل الذي سيزدهر بنا جميعا باذن الله

ياريت نسمع من كل الأعضاء مزيدا من النقاش حتى من نفس الأعضاء اللي شرفتونا وتنورت الصفحة بوجودن بدنا إجابات حول ماأثير من أسئلة وتعليقات بعد إجاباتكن ...لأنو صار في عنا أسئلة ملتبسة بدنا حل الها جميعها إن شا الله

عودة مجدداً للموضوع ...

استاذ سابق .. اول شي مقارنتك مو زابطة بالمرة .. انت حكيتا سيدنا ابراهيم يعني " نبي " .. ولاحظ الشي يلي كان عم يحاول يطمن قلبو فيو " الايمان " هادا شي عظيم كتير وهاد كان عبرة وحكمة لكل شي عصور من بعد ونحن منهم

وتاني شي مافي حدا هلاء بهالزمن بيتعامل من مبدا سيدنا ابراهيم- ليطمئن قلبه- .. الكلمة الانسب هية " شك " بكل واقعية ومنطقية
بدو الباسورد ليطمئن قلبه ! برجع بئلك انا كلامي هو يلي بطمن قلبو كلامي معو تعاملي معو هو الاساس .. الاساس الصح يلي بتنبنى عليه أي علاقة..

وبالنسبة لاسئلتك يلي طرحتا
مافي شي اسمو خصوصية بين اي زوجين ..( وصلت الموضوع للزواج لانو الموضوع منتهي و قطعا لاء بين العلاقات اللي ماقبل الزواج بغض النظر اذا كانت ناجحة او لاء )
ولما بقلك انو مابكون في خصوصية مو يعني اني عم ناقض حالي .. واني لازم معناتا اعطيه يلي طلبو لاني امنع هالخصوصية .. لا في اساليب كتيرة وفي طرق كتيرة ممكن اوصلو يلي هو بدو ياه وعم يسأل عنو بدون ما احط حالي بخانة الشك بنظرو واضطر ابرر لحالي ئدامو !

وبالنسبة لسؤالك التالت . انا وحدة من الناس يلي مرة فتت مسنجر وشفت وحدة من رفئاتي من زمان ماشفتا بعد ماتزوجت .. فتت ومندمجة وطاحشة وبدي سلم واحكي ومشتائتلا .. بقلي انا زوجا !!!
الموقف محرج قطعاً واذا بدك تقلي لا هو بدو ياخد الباسورد ليطمن ويشوف مو ليحكي
بقلك اليوم بشوف وبكرة بيحكي
انتو الرجال هيك ماعندكم حد معين لطلباتكم

نهاية حديثي انا اكيد مابحب افتح جبهة مع شريك حياتي بخصوص هيك موضوع او غيرو
بس كل طلب الو تصرف وطريقة بالتعامل .. ليطلع بالنهاية الطرفين راضيين
انا وحدة من الناس بشعر بشعور ما حلو اذا بنحط بهيك خانة او هيك موقف يا بتصرف فيو صح وبعدي الموضوع بسلام عالطرفين يا اي متل مابدك هو ارضى شي بنفسو وانا اشو ؟!

عذارعذرا عالاطالة ..
دمتم ،،

السلام عليكم ورحمة الله وبركاته

أول شي بشكر كل واحد شارك في هذا الموضوع وأدلى بدلوه وأفادنا من
أفكاره...فالشكر لكم(مرام...دكتور أحمد...أبو جمال دكتور عمر...أنور
...باش مهندسة)أشكركم من قلبي لمشاركتكم وتفاعلكم الذي أسعدني

ثانيا:قبل أن أدخل إلى صلب الموضوع يجب أن نقر بعض النقاط الأساسية تدور حول بوتقة الموضوع

1الحب لا يقاس بشئ
2المحب لايحرج محبوبه ويضعه أمام خيارات يضغطه بها
3المحبة يجب أن تكون مبنية على الثقة الكاملة من الطرفين
4المحبوب لا يأل جهدا بأن يكون كتابا مفتوحاً أمام من يحبه
5كل إنسان له خصوصيات لا يطلع عليها أحد سواه وقد يكون الباسورد أحد هذه الخصوصيات وهذا لا يعني بالضرورة الخيانة كما يفهم البعض
6احترام الخصوصيات من كلا الطرفين طبعا من دون تكلف حتى لايبقى في النفس منها شئ
7 اشعار الطرف الآخر بتكتم على أي شئ يشعره بأن هناك شيئا ما ..لذلك يجب أن يكون الإنسان على طبيعته

هذه بعض النقاط الأساسية التي تخص الموضوع

لذلك من خلال هذه النقاط نقول المحب يجب أن لا يخلط بين الأمور ويقيس مدى
حبه بأمر عادي..والطرف الأخر أن يكون مع من يحبه أولاً بأول من دون فراغات
وسطور فارغة...وعلى الطرفين أن يزرعو الثقة فيما بينهم وإلا فأي قيمة لحب
يبنى على شكوك وظنون فإنه سيتحول عندئذ من (حب)إلى (جب) خانق يمنع عنهم
الضوء والهواء والسعادة

فإذا ما كنا في حياة مليئة بالثقة فعندئذ نحن في منأى عن أي مصطلح يمت
إلى الخيانة بصلة..فيكون الطرفان بسعادة واحترام للخصوصية لأني أنا أعرف
نفسي أنني لا أخونه لذلك أنا واثق أنه لا يمكن أن يخونني

هلأ بقا بلشنا بنفسي أنا..باش مهندسة...هاي مو مقارنتي (منشان مقالة سيدنا إبراهيم) بس خطرلي أنو بجوز
واحد هيك يقول ويخطر في بالو Laughing

...أما بالنسبة الي شخصيا فأنا عملتلها
الإيميل والباسورد أنا حاططها

بس اطمنوا باسوردها نفس باسوردي تمام

بس والله من وقت عملتلها الايميل ما دخلت عليه أبدا أبد...لذلك أنا مريح راسي إن شا الله من هالناحية

وبعدين كشفتكن كلكن ما شا الله محبين(الله يديمكن لمن تحبون بكل سعادة وود ودفء ويبعد كل شك وحسد وعذول عنكم يارب)ولكم مني كل الشكر

زائر

أنا رح أحكيلكن القصة يلي صارت معي وخدوا الجواب

أنا والحبيبة كنا عم نتحادث ووصلنا ل موضوع الايميلات ف لجأت مباشرة الى اعطائها الباسورد دون طلب منها ف هي رفضت قبولها و أعطتني باسورد ايميلها لكن أنا لم أخذه ولم أجرب بيوم أن أدخل على ايميلها

لأن الحب مبني على الثقة

واذا أي واحد بده يخون حبيبه أو حبيبته بكل سهولة انشاء الايميل الجديد لا يكلف سوى الثواني المعدودات

شكرا أخي عبدو لمشاركتك الحلوة
وكلامك صحيح ..الثقة ثم الثقة..وأضفت لفتة حلوة أنو إذا بدو يخون في شاتات كتيرة وبإمكانو يعمل ايميلات كتيرة

» كلمة بحبك بكل لغات العالم
» كلمة رائعة
» اجمل 33 كلمة بالكون؟
» معنى كلمة بيبسي
» هل كلمة آسف تمحي الجـــرح ؟