ماكنا نبطل هل كم عادة

ماكنا نبطل هل كم عادة
ياجماعة في كم عادة عنا بهل البلاد منتشرة وحطئئني
واعذروني على ذكر هل العادات المئرفة بس لازم احكي وفش قلبي ...
يعني مثلا بتكون ماشي بالطريق وعين الله عليك بيمرق جنبك زلمة وفجأة بيروح بيسفئلك هديك البزئة(انتوا أكبر أدر) أدامك وبمنتهى البرودة والتخلف
مو شي بيطالع الخلق مو اسمها قلة أدب ولا شو ....
أو بتغلط وبتطلع بالميكرو وبيجي بني ادم من هل البن ادمين الكترانة وبكل برود بيتدشى هديك التدشاية (كمان انتوا أكبر أدر)وبالصوت العالي وبدون على الأقل كلمة عفوا
مو شي بيطلع الجنان ...
يعني لايمتا بدنا نتعلم نحترم حالنا وغيرنا ونتصرف بأدب شوي خصوصا بهيك قصص...
احكولنا اذا في عادة موجودة وغلط بتدايئكم...

بلا عنوان

أنا مابزعل من شي بس بحاول اصلاح شي ماعجبني
مشكور ابو زهير

ذكرتني بشغلة البزاق بواحد بعرفوا طفشو كل رفقاتو منو من ورا هالعادة وما كانو يوقفو مع دقيقتين حتى يطفشو كتر ما بيبزق
في عادة الحكي عالناس بقفاهون ( النميمة)وعادة تويل الحكي والتقيع مابين الأصدقاء هن عادات كتير منتشرة بمجتمعنا اليوم والها آثار كتير سلبية
شكرأً ابو زهير على هالموضوع المفيد وبدعي لربي ما تصادف هيك اشخاص طول ما انت عايش