عربي ولا إنكليزي؟

عربي ولا إنكليزي؟
مرحبا
من فترة شفت بالتلفزيون برنامج مستضيف مجموعة شباب عرب قرروا إنو ما يحكوا بالعربي ،يعني بدهن يبدلوا لغتهن بالإنكليزي ويحكوا مع بعضهن إنكليزي
وهالظاهرة كتير مؤسفة بالنسبة إلي لأنو بعضهن قالوا إنو لما يكبروا ويصير عندهن أولاد بدهن يعلموهن يحكوا إنكليزي كمان بدل العربي. والشي يلي بيزعج أكترو أكتر إنو وحدة منهن قالت إنو الحكي بالإنكليزي هو طريقة للتفاهم بين العرب على اعتبار إنو لهجاتهن متنوعة (سوري،مصري،عراقي،سعودي ...........). طيب يتفاهموا بالفصحى ،ولا صار الإنكليزي ينفهم أكتر من الفصحى؟!
أنا كتييير بحب الإنكليزي ولازم نتعلموا بس مو لدرجة إني بدل لغتي العربية فيه!
المفروض إنو نحنا عرب ومنفتخر بلغتنا ولا شو رأيكن؟