مشاكل اعزاز وبعالي الصوت لا للظلم

اول شي مرحبا
تاني شي انا عندي اقتراح
ليش ما يكون عندنا وبهاد القسم مكان خاص لنحكي شوي بالمشاكل الخاصه بمدينه اعزاز
يعني الشي الغلط يلي عم يصير جوا اعزاز
صح يمكن نحن بهاد النقاش ما نحل المشاكل بس كمان اكيد من خلالو رح نساهم بجزء كبير من حلها
او يمكن حدا يسمع صوتنا ويساعدنا او حتى فينا نعتبركلامنا هون بمثابه فضفضه من شي صار وما عجبنا
وما حسنا نتدخل فيه بالواقع يا ريت الكل يشارك لانو كتير مهم
وللتشجيع
انا رح ابدأ باول مشكله صارت من يومين
في شب اسمو (....) من يومين كان بدو يعمل افتتاح لمحلو
وفرحان عليه كتير فجأه بيجوا شي 10 او اكتر من عائله (.....) وبيضربوه ضرب اسود بيوم افتتاح المحل
ضربوه الو ولابوه كتير على اثرها نقلوا هاد الشب وابوه ع المشفى الوطني وهو هلئ اعد بالمشفى وحالتو سيئه كتير
الله يعين اهلو بس يا ترى معقول كل هالشي يصير وما حدا يحسن يتدخل ابدا لانو عائله (....)ما حدا بيحسن يحكي معهم حتى لو كانوا على باطل
رجاء" بدي ردودكم

هلا


طيب انت عم بتقول انو عائلة

اوكي
كيف بدك نحل المشكلة عن طريق النت

اذا في مشكلة في الخدمات بشكل عام

اوكي انا معك ويمكن نتحاور في هذا الموضوع

بس مشاكل العائلة
؟؟؟؟؟؟؟؟؟؟؟؟؟
على كل حال شكرا" ع الاهتمام

حقيقة انا كنت بطرطوس وماسمعت بهالقصة . بس حقيقة ايمت رح نخلص مشاكل باعزاز يامحلى اللي صار جنب علقة بيت كنو وبيت بكور
.....................فكرة جميلة بس طرحها لازم يكون على مدير المنتدى............نحنا علينا المشاركة.......

هي صارت قبل ماتروح ع طرطوس بيوم
بس انا سمعت انو في سوج ع صاحب المحل
يعني من الباب للطاقة بيجو يضربوه

يعني بجوز الحق على الشب بس برايكن هيك حلوها الابضايات؟؟؟

بعدين هي مشكله من بين مئات المشاكل
يعني يمكن لو حكينا شوي فيها نقدر نغير شي ولو بقلبنا
وهاد اضعف الايمان

يا سيدي اسباب المشكله انو هدول تقاتلوا من فتره وع اساس انو خلص تصالحوا بس العيله ما برد قلبهم فقرروا يستنوا الشب لحتى يعمل افتتاحيه ويعطوه هديه
وقال ضربوه لانو زورهم شايف شو سبب كبير مشان زوره اجوا وضربوه
بس والله اكبر سبب هو انو ما في حدا بيحسن يمنعهم ليش ؟؟؟؟؟؟

انا بايد هالصفحة كتير وياريت يكون في تواصل دائم
وشكرا

أكبر سبب لمثل هذه المشاكل هو سوء تربية الأباء للأولاد

وهذا من أسباب هذه المشكلة خصوصا

مشكورين للمرور والتعليقات ..
وان شاء الله بنشوف تفاعل بهاد الموضوع .....

لاحول ولاقوة إلا بالله

الخير والشر موجودين ورح يضلوا موجودين لآخر الزمان
لاكن اتباع الدين أي دين مو شرط حتى الدين الإسلامي رح يمنع كتير من هالاشياء لأنو في أغلب الأديان تدعوا للتسامح والألفة والمحبة وخاصة الدين الإسلامي .. ولو كل إنسان يتبع دينه صح مارح تصير مشاكل .. والبداية دائما تكون من النفس وكل واحد يبدا بنفسوا .. وصدقوني حقيقة أنو النفس الطيبة والخيرة تؤثر على من حولها كما أنو النفس الشريرة كمان بتأثر على من حولها .. كل واحد يبدا بنفسوا منشان نوسع الدائرة وبهيك شوي شوي رح تقل الـتأثيرات السلبية .. ( وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَـــكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ . وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَاإِلَّا ذُو حَظٍّ عَظِيمٍ )