الى ادارة المنتدى

المدراء الموقرين: تحية و بعد


انتو حطيتوني مشرف ما حكينا شي
لك دورت بكل الاقسام لحتى اعرف انا مشرف على ايش
ما لقيت ولا قسم

يعني ما بعرف المشرف اش شغلتو بهالمنتدى
متلو متل اي عضو ما الو اي سمة

يعني بصراحة حسيت انو الامر مسخرة و ضحك عاللحا

يعني بصراحة اذا وصلت الامور لهيك ...........................

صراحة أخي تك كلامك جواهر....أنا متلك بحثت مليا لاعرف ما هو التغيير الذي طرأعلى وظيفتي في المنتدى ولكن دون أية نتيجة سوا أمرين اثنين الأسم واللون....فقط لا غير....
لم أطلب أي توضيح لأني رقيت بدون إستشارتي بإستعدادي للإشراف أو لا....
مشكور أخي تك....وعندك الحق فيما طلبت...

دكتور كلامك صح و يعني حتى اللون عندي ما تغير
و كل شي متل اي عضو عادي او مسجل من جديد

و الله شي بيجلط يعني لو ماهن قايلين انو رح تصير مشرف اشرف

لو مسميني شرشف احسن كان عالاقل اخدو مني كم قطعة ليمسحو اخطاءهن

لا.....
أعوذ بالله اخي تك لا تكون لهدرجة عصبي كل شي بالتفاهم بصير...
بعدين خيو .....اللون الاخضر احلى لون بعتقد انو تكون مشرف بلون أخضر احسن..ههههههه
أما باقي الإستفسارات الي سألت عنهم بإدارة المنتدى كفيلة بالرد ان شاء الله..
تقبل مروري
مع كل احترامي وتقديري

دكتور انا حسيت بانو هالامر قمة في المسخرة

لك لو في ميزة وحدة بس ما كان الامر هيك

بس المسخر بانو قال مشرف و متلو متل اي عضو تاني

و اذا كنت معصب ارجو انك ما تاخذني لانو طلع خلقي

شكرا دكتور

السلام عليكم
هدو يا شباب
شو مسخرة
اخي ابو التك شو هالحكي ما بصير مافي داعي للعصبيه الزايده الشغلة بدها وقت
اخي ابو التك انا حطيتك مشرف بناء لجهودك وانا كتبتلك بموضوغ غاردينيا يلي نزلتو خلال هاليومين
راح يتم تسليمك اشراف ونزلت موضوع بقسم الترحيب
عم هنيك بالأشراف مبدئيا
لا تستعجل وراح تكون رضيان نشالله
وراح حل المشكة نشالله
تحياتي لك

مبروك تك.....
واكيد لازم تاخد ميزات الاشراف مو مشرف بالاسم بس
وانا معك بس اكيد بعد كم يوم رح يظبط الاعدادات
ومو بس انت طبعا.....
الدكتور احمد كمان
مشرف من زمان بس معقول لهلئ ما عندو صلاحيه ؟؟؟؟؟
واذا ما صارهالشي فانا عن جد اسفه وبتمنى اعفائي من الاشراف .....

شكرا اخت غاردينيا
بس بدي افهم شو الصلاحيات يلي بدكن ياها
اختي الكريمة منتدانا مجاني ووظيفة المشرفين هو مراقبة المواضيع وحذف الموضيع المسيئة
ونقل المواضيع او تعديلاه
واكيد كلشي راح يتصلح نشاالله
تحياتي لك

مرحبا يا شباب

انا ما عصبت الا لما لعبت بلياردو مع الدكتور و قلي انو ما الو ولا ميزة
يعني متلو متل اي عضو تاني
يعني فعلا حسيت بانو مسخرة
يعني الدكتور الو زمان مشرف ووضعو متل ما هو

أختوتي الكرام : شكرا لكم في البداية على حرصكم على تطوير المنتدى
أما بعد:
فعن صلاحية المشرف فيجب أن يظهر للمشرف في أوات أي موضوع و التي تظهر أسفل الموضوع و تظهر له كلمة أدوات الإشراف أسفل الموضوع أو القسم الّذي هو مشرف فيه و منها يتمكن من حذف أو تعديل أو نقل المواضيع التي يرغب بها
فإذا لم تضاف له هّذه الأدوات في أوات المواضيع فنرجو من المشرف إبلاغنا
ونرجو من جميع الأعضاء في حال واجهتم أي مشكلة مراسلتنا أنا أو حسن يوسف عن طريق الرسائل الخاصة أو رسائل البريد الإلكتروني

مشكور محمود
و ان شاء الله كل المشاكل بتنحل

ولا يهمك حسون ما بتقصر ابدا