لعبة جديدة ورائعة على المنتدى عضو بين قوسين (زهرة النور )

وينكم يا شباااااااااااب باب الاسئلة لسا مفتوح لحقو حالكن



مشكورة للاجابة باش

هل تحبين شرب الكولا؟؟؟
ما هو احب الاسماء الى قلبك ,,من الذكور و الاناث؟؟؟

ما نوع سيارتك؟؟

كم طولك ؟

بلا هالنص ولو

مشكورة كتير ل ردودك باش مهندسة

أسئلتي

1- ما هو سبب تسمية اسمك بالمنتدى هذا الأسم؟؟؟

2- أين تسكنين الأن وأين كنتي تسكنين بالصغر بالتفصيل؟؟؟

3- لو خيروكي بين المرض والحزن والموت ؟ أيهما ستختاري ؟؟؟ ( طبعا الله يبعدهن عنا جميعاً )

سؤالي
هل تضحي بشيء من اجل من تحبين ؟
هل تنوين ان تاكلين اللحمة يوما ما ؟؟

وين الأجوبة باش مهندسة

هل تتبرعين لخالك ابو التك بخمس ليرات بس اذا عرفتي انو عم يشحد؟؟

أنت شحد وما عليك خال
ههههههههههه

مشكورة باش لإجابتك على بعض الأسئلة

حطلنا عنصر جديد لنستلمو

يالله عبدوووووووووووووووووووووو هات شي حدا نستلمو بما انو الحديدة حامية

و اللسان ما عم يفوت لجوا

باش مهندسة
بعد أذنك أنا مالي نكار
والدليل بأنه قلت بعض الأسئلة وليس الجميع
ع كلا مقبول منك شو ما قلتي يا زميلتي العزيزة

عضو هذا الأسبوع زهرة النوووووووور

استلموها وانت أولهن خاااااااااال

نسخ مما سبق


- اكتر مشروب بتحبيه؟؟
- افضل انواع اللابتوبات ؟؟بحكم خبرتك يعني.
- كم كف اكلتي بحياتك؟؟
- اش هي صفات فارس احلامك؟؟؟
- بدي منك تتخيلي حالك ام لطفل,,طفلك هاد ضرب واحد على عينو و كان رح يروحلو ياها
و طلع ابوه للولد المضروب حمار و مخو مضروب,, فشلون بتتصرفي بهي الحالة؟
- اذكري شيء تمنيتي ان يحصل و لم يحصل الى الان؟؟
- كيف يمكن ان تصفي شخصية كل فرد فاعل في المنتدى بجملة قصيرة؟؟
- ما هي النقاط التي تنتقدي فيها شخصيتي؟؟(نقدك مقبول اش ما كان)
- ما انطباعك الاول عني ؟؟ و هل تغير؟؟؟
- اللون المفضل لديكي؟؟
-اكتر طبخة بتعرفي تطبخيها؟؟؟(طبخة ها مو اكلة عادية)
- بما انو المجدرة ما فيها لحمة ,,بدي منك تعطينا طريقة تحضيرها,,,
- اذا عصبتي اش ممكن تتصرفي؟؟؟ تكسير,سب,اذية ,نفسك,..............

- اكتر مشروب بتحبيه؟؟
الكولااااااااااااا
- افضل انواع اللابتوبات ؟؟بحكم خبرتك يعني.
لاب توبي (HP)

- كم كف اكلتي بحياتك؟؟

امممممم .........كفين بس من ماما
- اش هي صفات فارس احلامك؟؟؟
كلمة وحدة بتشمل كل الصفات وهي أنو يكون رجل بمعنى الكلمة

وطبعاما بقصد الرجولة بمعنى الغضب والصراخ والعصبية

- بدي منك تتخيلي حالك ام لطفل,,طفلك هاد ضرب واحد على عينو و كان رح يروحلو ياها
و طلع ابوه للولد المضروب حمار و مخو مضروب,, فشلون بتتصرفي بهي الحالة؟
هو يطلع يحكي معي ويشوف شو رح يصير فيه ههههههههه أكيد عم بمزح

رح اتصرف معه بكل هدوووووووء أو قلك بجوز خلي أبوه لأبني هو يلي يتصرف أو ما بعرف يعني مافيني اجزم بتصرفي

لأنو الشغلة لازم تكون ع أرض الواقع لأعرف جاوبك

- اذكري شيء تمنيتي ان يحصل و لم يحصل الى الان؟؟
الدراسة في فرنسا

- كيف يمكن ان تصفي شخصية كل فرد فاعل في المنتدى بجملة قصيرة؟؟
بما أنك عم تقول فرد فاعل بالمنتدى

تيسير شخص نشيط لأبعد الحدود وشخصية متميزة

باش مهندسة صاحبة حضور رااائع وشخصية بتجنن ومرحة

الدكتور أحمد شخصية تمتلك الأحترام والتقدير الكبير

عبدو لحموني شخصية رائعة بيعرف شو بده ولكن غااامض ببعض الأوقات

عبدو حاجولة شخص حائر بين الحزن والفرح عقد مابيضحك عقد مابتحس بداخله حزن غريب

سابق عصره ومابعرف شو بقية اسمه شخصية شاعرية ووو مزاجي شوي

- ما هي النقاط التي تنتقدي فيها شخصيتي؟؟(نقدك مقبول اش ما كان)
اممممم....... أنا مابعرفك كتير لهيك مارح اقدر انتقد شخصيتك بشي لأنو لحدا هلأ مالقيت فيك شي ينتقد

- ما انطباعك الاول عني ؟؟ و هل تغير؟؟؟
امممم...بالأول كنت مفكرة أنك مابتضحك لحدا وكتير جدي وممنوع المزح بس بعدين تغيرت هي الشغلة ولقيت أنك مرح

- اللون المفضل لديكي؟؟
لونين بحبن أبيض وأحمر بس الأبيض بالمقدمة

-اكتر طبخة بتعرفي تطبخيها؟؟؟(طبخة ها مو اكلة عادية)
شيخ المحشي (لأني بحبها كتيررررررررررررر)

- بما انو المجدرة ما فيها لحمة ,,بدي منك تعطينا طريقة تحضيرها,,,
مابعرف طريقتها بالتفصيل خلاص بكتبها بعدين هي والفتة يلي وعدتك فيها

- اذا عصبتي اش ممكن تتصرفي؟؟؟ تكسير,سب,اذية ,نفسك,..............
ع حسب هلأ وقت كون معصبة شوي امممم بقعد لحالي وبكتفي بدمعتي مشان ماحدا يشوفها

بس وقت العصبية القوية بصراحة بعترف مابقى شوف حدا قدمي يلي بده يقرب علي ولييييييي شو رح يصير وقتها فيه

هههههههههههههه حلوة هالاجوبة يا زهور الله يعطيكي العافية


بس انا ما بحب شيخ المحشييييييييييييييييييييييييي


يالله مع الاسئلة القادمة نلتقي

1- من هو اكتر شخص وثقتي به في حياتك؟؟
2- ما هو اكثر موقف محرج تعرضتي له في حياتك؟؟
3- هل وقعتي في الحب سابقا؟؟؟ وما مصيره الان ؟؟؟
4- ما العمل الذي قمتي به سابقا و كنت تكرهينه؟؟؟
5- اذكري لحظة كانت سعادتك فيها عارمة.
6- اذكري موقف طريف حصل معك؟

أسئلة حلوةةةةةةةة
الله يكون بعونك يا زهرة
خخخخخخخ
نحنا بأنتظار أجوبتك
مع تمنياتي بالتوفيق

لك يا هلا و الله بأبو جملو نورت بعد غياب

1- من هو اكتر شخص وثقتي به في حياتك؟
أمي ثم أمي ثم أمي

2- ما هو اكثر موقف محرج تعرضتي له في حياتك؟؟
امممممممم.........وقت عملت مشكلة بنص الجامعة مشان

مادة اللغة الفرنسية وقتها آآآآآآآآآآآخ ماضل حدا ماخاف مني والكل بيعملي حساب بس وقتها

جنيت وحكيت شغلااااااااااات خلينا ساكتين أحسن

3- هل وقعتي في الحب سابقا؟؟؟ وما مصيره الان ؟؟؟
حب إيه إلي أنت جاي تقول عليه

سابقا هئ هئ هئ لأنو رح يكون بنظري حب ولدنة ومراهقة

4- ما العمل الذي قمتي به سابقا و كنت تكرهينه؟؟؟
ولاشي مابعمل ي أنا بكره أو مابحبه

5- اذكري لحظة كانت سعادتك فيها عارمة.
وقت نجحت بالصف التاسع وقتها فرحتي مابعطيها لحدا

6- اذكري موقف طريف حصل معك؟
موقف صار معي بالصف الرابع بالمدرسة وقتها كانت الأنسة غايبة وقرروا الصبيان يهربوا من المدرسة

وأنا قررت اهرب معن تخبينا بالباحة ووقت طلع الكل ع الصف نحنا بلشنا انفذ الخطة المهم واحد من الصبيان نط من فوق باب المدرسة وبلشنا نلحش الشناتي لعنده مشان مانتلبك وشوف التسلق ع الباب الشاطر يلي يقدر يتسلق ويهرب المهم أنا بنت بس كنت قد عشر صبيان وحاولنا نهرب ونجحنا بس المشكلة وين أنو وقت هربنا كان أول الدوام يعني معاون المدير كان ع الطريق وشافنا ومسكناااااااااا ودخلنا ع المدرسة بكل حب وأمان وبعدين عينك ماتشوف ألا النوووووووووووور وآآآآخ بلش الضرب بالعصاية ووين بيجعك وفوقها رجعت ع البيت كملها أبي وأمي لأنو عرفه أني هربت ههههههههههههه



يلا يلي بدعه وين باقي الأسئلة خلصوووووووووووووووووووووا

عجبني الموقف المضحك يا زهرة

كنت متمني اكون موجود وقت اكلتي القتلة