من أجل مصلحة المنتدى و الاعضاء

اوزيل مين هاد صاحبك وشو نزل؟؟
و بالنسبة للتعليقات عالمواضيع بعتقد انو هي بترجع لاهتمام كل واحد
يعني مو شرط الواحد يعلق على كل شي
و بالنسبة لعلبة الدردشة بعتقد انو الاعضاء صارو اكتر تكاتف من بعد استخدام هالعلبة
لانو سابقا كان التعامل جاف و التعليق كان فقط لمجرد التعليق
اما الان بعد التواصل فصار التعليق الو طعم تاني
ما بعرف هاد رأيي
و شوف الادارة اش رأيها

عفوآ منك مهندسة بس انتي برا البلاد اكيد ما رح تخافي و ما بتعرفي شو عم بصير عنا

عفوآ منك مهندسة بس انتي برا البلاد اكيد ما رح تخافي و ما بتعرفي شو عم بصير عنا

حتى لو كانت برا يا اوزيل بس اسبابك فعلا مو كافية

[quote="باش مهندسه"]

يا اخي الكريم .. انت ذكرت اسباب وانا رديت فيا عليك مو عن عبث ولا من وحي خيالي

انا فتحت احصائية المنتدى واتطلعت عالمواضيع وعالاعضاء الجدد ومالقيت الشي يلي عبتحكيه ((( في اعضاء رفقاتي مالقو اهتمام ابدا بمواضيعن وهالحكي صار )))

حطلي رابط تنين تلاتة وقلي هدول هنن رفقاتي وهدول هنن مواضيعن وماحدا رد عليهم وانا جاية معك للاخر
وطبعا هادا الطلب مو منشان اثبت انو انا كلامي صح .. لا ابدا هادا الشي مشان نحل الخلل يلي انت ملاحظو ومشان قدر وقيمة هالاعضاء الجدد رفقاتك .. !!


بعدين لمعلوماتك .. انا لاني برا البلاد بعرف كتير شغلات واكتر منك بكتير .. والحمدلله رب العالمين هادا بفضلو لا شوفة حال ولا فهمنة عحدا ..


وبالنسبة لنقطة انو لازم نرد عكل المواضيع ولو بكلمة شكرا .. باسفني قلك انو خبرتك بالمنتديات ضحلة جدا .. يا سيدي مو لازم ابدا ... وبعالم المنتديات بتشوف كل شي .. اعضاء بتبلش من الصفر بتضل تشارك وتشارك لحى اسمها يلمع وتصير تحصد ردود .. الناس ازواء .. واراء ومافيك تجبر حدا على شي
بس نحن هون بمنتدى اعزاز كمجموعة اصدقاء ولانو الادارة معتبرة الكل اخوة هون عم تشارك الجميع بارائها وخططها وعالعلن والملاء وبمشاركة الجميع وكنوع من التشجيع للجميع وهي نقطة ايجابية جدا ..

بعدين اخي انا ما اتهمتك انت .., مين جاب سيرتك انت ؟؟؟ !!! ليش دخلت حالك بالنص ؟؟
وقلت انا ما بهدد انا بفعل ؟؟؟ لتكون انت فعلا ها ؟؟ دخلت حالك بدائرة الشك



واخر شي بحب قلك ياه .. مدامك كل هاد واثق من هالعدو اللئيم على حسن وعالادارة وعرواد المنتدى وجاي تحذرنا منو وكانو الخطر الموشك
ليش مارحت دئيت بابو لحسن ومن راسك لراسو نبهتو وحذرتو وبينتلو مخاوفك عنجد والاسباب ورا كلامك هاد
احسن ما جيت هون فضحت الدنيا واللي ما اشتلئ كان اشتلئ


لم اجد المنطقية في كلامك اخي الكريم حاولت جاهدة ولكن عذرا


كل العذر والسموحة منك
تحيتي ،،

[/quote



ولم ازيد بأي كلمة .

مشان الرد يا اوزيل
مو معقول انك ترد على كل المواضيع
اقرب مثال انت ذات نفسك
من ايمت ما رديت على كل المواضيع اللي بتنزل؟؟؟
انا رح اجاوبك
ولا مرة انت رديت على كل شي بينزل....

مرة علقنا انا و ابراهيم مرعنازي مشان هالشغلة
كنت منزل شي 50 موضوع بهداك اليوم و هو اتضايق كتير
فكان عبدو لحموني هو الفيصل و قال انو الموضوع اللي بيعجبك بترد عليه و اللي ما بيعجبك بتهملو

بمعنى اخر انت لو حاولت ترد على كل شي ما بتحسن
لانو اهتماماتك ما هي بكل شي
مثلا انا ما بهتم بامو الكومبيوتر و الجوال
روح شوف اذا الي رد
بس هل من المعقول انو يجي حدا يقلي ليش ما عم ترد؟؟؟!!!!
هداك الوقت اسمحلي اقلك انو المنتدى ما بيسوى ....... قشرة بصلة لانو الاصل هو التفاعل الحر مو المقيد
و اصحابك هدول لحد الان ما ذكرتلنا حدا منن لندير بالنا عليه
و العدو اللي عم تحكي عليه يا اذكر اسمو بالعلن مشان نحترز منو او قفل عالموضوع نهائيا
لانو الغمغمة و اتخباية ما بتنفع هون ابدا


و شكرا