السلام عليكم ورحمة الله وبركاته
طبعا من اسم الموضوع الاغلب عرف انه الموضوع بتعلق بالدراما السورية ... حبيت اليوم احكي شي شفته بعيني وانتو كمان شفتوه .
الدراما السورية في رمضان كلنا شفنا مسلسلاته وكالعاده السورين كانو الاوائل بمسلسلاتهم .
بس هالعام كانت مسلسلات بنكهة خليني اسميها جريئة ما بدي قول قلة أدب لسعتنا بأول الموضوع .
طبعا حسب الاحصائيات أكثر المسلسلات مشاهدة كانت أبو جانتي وضيعه ضايعه مسلسلات كوميديه وحلوه والكل استمتع فيها وراء الشمس كان مسلسل رائع جدا وجة رساله حلوه للمجتمع العربي حتى نفهم فئة من مجتمعنا .
بس موضوعي مش عنهم الاأكثر مشاهده كانو ثلاث مسلسلات للي احتلو الصداره (خبز الحرام - ما ملكت ايمانكم - تخت شرقي) .
بالتاكيد الكل تابع هالمسلسلات وان ما تابعها سمع عنها أول شي راح احكي عن ما ملكت ايمانكم للي اثار جدل كبير وحرم هالمسلسل اكتر من عالم واكتر من فقيه بالدين الاسلامي لما يحملة هالمسلسل من كفر وقلة أدب وأفكار خطيره كتير ممكن تنزرع جوا وعقول ولادنا وأطفالنا .
تخت شرقي شبدي احكي عنه من الاسم مبين كلام سفيه وأفعال خطيره بين الشباب والبنات في المسلسل وحركات أسفه من الكلام وشتائم ومسبات وغيره وغراته .
خبز الحرام رغم انه هالمسلسل كان عم يعبر عن وجهة نظر لمجتمعنا او عن واقع صغير من مجتمعنا الا انه كمان تصور بطريقه غلط وبأفكار غلط .
الى أين ايتها الدراما السورية الدراما التي دائما كانت تمتعنا بالمشاهده .
انتم ايها الممثلين ما فكرتو قبل ما تمثلو مشهد من ما ملكت ايمانكم او تخت شرقي بحالكم بسمعتكم وان ما هاممكم سمعتكم فكرو بللي راح يشوفوكم .
في شخص قال لي انا بخجل اشوف مسلسل ما ملكت ايمانكم او تخت شرقي مع اهلي وهنه قاعدين معي .
يمكن تفكرو اني مضخم الموضوع بس الموضوع عنجد خطير وعلى قولة واحد سنتين زمان منبطل بحاجه للافلام الاجنبي .
بعتذر عن كلامي بس جد هادا الواقع طبعا احنا ما حكينا ع اللبس هادا شي تعودنا عليه انو تكون المسلسلات عروض ازياء للبنات ولشباب .
بس بجد الأفكار والشي للي شفته وشفناه كلنا خطير جدا هلئ هوه مجرد أفكار بالمسلسلات كمان فتره بصير تمثيل .
الدراما السورية اليوم هيه ساحة للتبارز بالجرأة والعبث بشريعتنا بأفكار تدخل الى عقول شبابنا بسهولة .
وها هي يد الغرب وأعداء الاسلام العابثة الهادفة لتشويه الحضارة العربية و الإسلامية وجدت وأخيراً السبيل الأسهل لنشر الحقائق المشوهة و الأفكار الخاطئة عن الحضارة العربية و الدين الإسلامي عن طريق الدراما التي تصل لجميع فئات الشعب الأطفال قبل الكبار
وكما من المعروف أن هدفها الأساسي هو تشويه الحقائق وزرع الأفكار المشوهة عند الأطفال و الجيل الناشئ الجديد الذي هو أمل المستقبل ليكون جيل أسوء فأسوء منحرف أخلاقياً يحمل أفكار مشوهة بلا قيم ولا مبادء بذلك تكون قد وضعت حجر الأساس لتصل إلى هدفها الأكبر تدمير الحضارة العربية والإسلامية
وهو السبيل الأسهل بما ان الشعب هجر الكتاب و عبد الشاشات وبات الممثلين في المسلسلات قدوة للكبار قبل الصغار فكيف لنا أن لا نتوقع جيل فاسد أخلاقياً ونحن من ندفعم لأخذ ثقافتهم من ( تخبيصات ) المسلسلات !!
سؤالي اليوم الدراما السورية الى أين تذهبين .. هل سيصحح المخرجون والممثلين أخطاء هذا العام بالعام القادم ام ستكون المسلسلات أجرء مما رأيناه هذا العام وهل هناك يد خفية لزرع هذه الأفكار أم أنها مجرد أفكار من مخرجين وكتاب ؟؟.
السبت سبتمبر 03, 2016 4:12 am من طرف mahmoud
